Orol dengizida bo‘ladigan kompyuter o‘yini

Shvetsiyadagi dasturchilar voqealari Orol dengizida bo‘ladigan kompyuter o‘yinini ishlab chiqdi

Shvetsiyadagi The Working Parts geym-studiyasi voqealari Orol dengizining qurigan o‘rnida kechadigan Residue: Final Cut sarguzasht o‘yinini ishlab chiqdi. Bu haqda Podrobno.Uz ma’lumotiga asoslanib, “Kun” xabar bermoqda. O‘yin relizi 1-avgust, juma kuni bo‘lib o‘tgan. Qayd etishlaricha, bu o‘yinning ikkinchi qismi bo‘lib, birinchisi bir yilcha avval taqdim etilgan. Residue’ning birinchi qismida o‘yin qahramonlari Orol dengizini qutqarib qolish maqsadida Markaziy Osiyoga keladi. Biroq o‘yinning ikkinchi qismida ruhiyat yanada pessimistik ko‘rinish olgan. Vayron bo‘lgan dunyoni qutqarib qolish bo‘yicha dastur ahvolni yanada qiyinlashtirgan bo‘lib, oradan o‘n yillar o‘tib, to‘rt kishi qachonlardir dengiz bo‘lgan cho‘lga keladi. Ularning har biri o‘z maqsadi yo‘lida harakat qiladi.